Baş nazir Əli Əsədov Nazirlər Kabinetinin 2017-ci il 17 noyabr tarixli 500 nömrəli Qərarı ilə təsdiq edilmiş “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edilməsi barədə qərar imzalayıb.

Bununla bağlı Nazirlər Kabineti məlumat yayıb. 

Dəyişikliyə əsasən, tibbi maskaların hazırlanması üçün istifadə edilən xammal 2022-ci il dekabrın 31-dək gömrük rüsumdan azad edilib.