“Tovuzdakı təxribat Ermənistanın Azərbaycana qarşı çirkin əməlidir”.

Oxu.Az-ın məlumatlna görə, bunu mətbuat konfransında Azərbaycan Respublikası Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

Onun sözlərinə görə, bu barədə lazımi beynəlxalq təşkilatlatlara məlumat verilib:

“BMT, Qoşulmama Hərəkatı, ATƏT-ə və digər beynəlxalq təşkilatlara da məlumat verilib. Türkiyə tərəfindən məsələyə dərhal reaksiya verilib, Türkdili Dövlətlərin Əməkdaşlıq Təşkilatı, İran, Səudiyyə Ərəbistanı da bizim məlumatlarımıza dəstək göstərib.

Ermənistanın hərbi təcavüz aktına ATƏT-in Minsk Qrupu konkret münasibət bildirməlidir. Təəssüf ki, biz yenə də standart cavablar alırıq”.

H.Hacıyev bildirib ki, Ermənistan bu hadisənin məsuliyyətini Azərbaycanın üzərinə atmaq istəyir:

“Cənab Prezident İlham Əliyevin vaxtında atdığı addımlar nəticəsində Ermənistanın niyyəti ifşa edildi. Ermənilər itkilərini gizlədir. Bu əməllər beynəlxalq ictimaiyyət tərəfindən izlənilir”.

“Azərbaycan Ordusunun şəxsi heyətlə komplektləşməsi üçün heç bir problem yoxdur. Azərbaycan Silahlı Qüvvələri bu gün yüksək texnologiyalardan istifadə edir. Bunun üçün yüksək təlimlər və kurslar vacibdir. Bu kurslar bu gün yüksək səviyyədə həyata keçirilir”, - deyə H.Hacıyev qeyd edib.