Monqolustanın qərbində, Rusiya və Çin sərhədi yaxınlığında yerləşən bölgədə yaşayan daha bir sakin bubon taununa yoluxub.

Bu barədə TASS xəbər yayıb.

Çiy marmot əti yeyən 15 yaşlı sakin xəstəxanaya yerləşdirilib. Ona bubon taunu diaqnozu qoyulub.

Qeyd edək ki, bu, Monqolustanda bubon taunu diaqnozu ilə xəstəxanaya yerləşdirilən ilk insan deyil. İyul ayının ilk həftəsində çiy marmot əti yeyən kişi və qadın da xəstəxanaya yerləşdirilmişdilər. Qadının vəziyyəti ağır qiymətləndirilirdi.

Xəstəlikdən sonra onlar 60 nəfərlə birbaşa, 400 nəfərlə dolayı yolla əlaqədə olublar.