Türkiyə UEFA-ya Avro-2020-nin yeganə ev sahibi olmağı təklif edib.

Qol.az xəbər verir ki, bu barədə İspaniya "AS" nəşri məlumat yayıb. Bildirilib ki, Türkiyə Futbol Federasiyası ölkənin prezidenti Rəcəb Tayyip Ərdoğanla UEFA prezidenti Aleksandr Çeferin arasında yaxşı münasibətlərə etibar edir.

Türklərin əsas arqumenti isə ölkədə koronavirusa az sayda insanın yoluxmasıdır.

Ancaq UEFA  turniri təxirə salmağı planlaşdırdığı üçün bu üstünlüklərin türklərə böyük ehtimalla kömək etməyəcəyi vurğulanıb.

Xatırladaq ki, Avro-2020 iyun-iyul aylarında Bakı da daxil olmaqla Avropanın 12 şəhərində keçirilməlidir.