2021-ci ilin yanvar-aprel aylarında proqnoza nisbətdə məcburi dövlət sosial sığorta haqları üzrə daxilolmalar 133,5 milyon manat və ya 12,4 faiz artıb.

Bu barədə Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu məlumat yayıb.

Ötən ilin analoji dövrü ilə müqayisədə daxilolmalar 9,6 faiz artlb. Büdcə təşkilatlarında 30,2 milyon manat və ya yeddi faiz, qeyri-büdcə təşkilatlarında isə 75,8 milyon manat və ya 11,2 faiz artım qeydə alınıb.