Tədbirdə MHP Kütahya Millətvəkili, Türkiyə-Azərbaycan Parlamentlər Arası Dostluk Qrupu üzvü Ahmet Erbaş, tibbi marketoloq Zülfiyyə Şahinqızı, siyasətçi Elvin Mahmudzadə, millət vəkili Elman Nəsirov, siyasi bilimçi, yazar Nur Tuğba Aktay, Sosial Tədqiqatlar Mərkəzinin sektor müdiri, politoloq İlyas Hüseynov çıxış etdilər. Çıxışlarında Zəngəzur Koridorunun əhəmiyyətindən danışdılar.

Azərbaycan Prezidenti: "Zəngəzur dəhlizi açılmalıdır və açılacaqdır"(07.01.2025). Çünki, bizlər də buna əminik və ermənilərin də başqa çıxış yolu yoxdur. İnanırıq ki, Zəngəzur dəhlizi sonda gerçək olacaqdır. Çünki, bu keçmiş Sovet hakimiyyəti tərəfindən Azərbaycanın iradəsi xaricində reallaşdırılmış saxta bir tarixin tələbidir, bu həm də zamanın tələbidir. O tələb ki, onun arxasında Azərbaycan Prezidentinin qətiyyətli və prinsipal mövqeyi və Azərbaycan xalqının dəmir iradəsi dayanır. Gec və ya tez, ermənilər bu qətiyyətin qarşısında əziləcəklər. Əslində, ermənilərin başında duranlar anlamırlar ki, bu bizdən çox onların özlərinə də lazımdır. Ona görə də onlar məcbur etməməlidirlər ki, Azərbaycan bir daha onlarla onların anladıqları dildə danışsın. Amma onu da unutmasınlar ki, bu dəfəki danışığın səsi "Ermənistanın" 29 may 1920-ci ildəki 9,8 min.kv.km-lik sərhədlərində eşidiləcəkdir.