pressxeber.info
pressxeber.info

Ənənəvi siyasətçiləri oyunçular əvəz edir... - Xalq niyə onları seçdi?

26 dəfə baxılıb 24-05-2019, 12:33

Ənənəvi siyasətçiləri oyunçular əvəz edir... - Xalq niyə onları seçdi?

 

Son illərdə prezident postuna siyasətdən uzaq profilli insanların seçilməsi diqqət çəkir. ABŞ prezidenti Donald Tramp, Ukrayna dövlət başçısı Vladimir Zelenski, Fransa lideri Emmanuel Makron, Ermənistanın Baş naziri Nikol Paşinyan və digərlərinin timsalında bunu müşahidə etmək olar. Ölkənin ali postuna qədər “Ağ ev” rəhbəri iş adamı, Zelenski şouemen, Makron investisiya bankiri, Paşinyan isə jurnalist idi. Populist fikirlər və inanılmaz vədlərlə prezident seçilən bu şəxslərin ictimaiyyətə gənclərin aludə olduğu sosial şəbəkələrlə xitab etməsi diqqət çəkir. Görünür, yeni başçılar cəmiyyəti ələ almağın nəbzini "yaxşı" tutublar.

Məsələ ilə bağlı politoloq Elxan Şahinoğlu Redaktor.az-a açıqlama verib. Politoloq hesab edir ki, bu, həmin siyasi sistemlərdə olan qüsurlardan irəli gəlir:

“Siyasətdə yeni tendensiya başlayıb. Artıq bir çox ölkələrdə prezident kürsüsünə gələn adamlar yeni simalardır. Hətta onların içərisində artistlər də var. Məsələn, Ukraynada insanlar mövcud siyasətdən və siyasətçilərdən bezmişdilər. Çünki onlar verilən vədləri yerinə yetirə bilmədilər. Buna görə də xalq yeni sima görməyə üstünlük verdi və Zelenski yüksək səslə qələbə qazandı. Ancaq Zelenskinin ukraynalıların gözləntilərini doğruldacağını əminliklə demək mümkün deyil. Və yaxud Ermənistan. Orada da vəziyyət eyni idi. Ermənilərin Paşinyan inqilabını dəstəkləməsinin əsas səbəbi, Qarabağ klanından olan narazılıqlar idi. Yəni erməni xalqı Sarkisyan və Köçəryandan imtina edərək, Paşinyanın arxasınca getməyi seçdi. Onlar Paşinyanın hansısa bir yenilik gətirəcəyini düşünürdülər. Amma faktiki olaraq görürük ki, Paşinyan da verdiyi vədləri real olaraq yerinə yetirə bilmir. Bunun da obyektiv səbəbləri var. Çünki Ermənistanın çox ciddi problemləri var”.

E.Şahinoğlu qeyd edib ki, gözləntilər özünü doğrultmasa, xalq qeyri-siyasətçilərdən imtina edəcək:

“Məsələn, Ukryanda Zelenski uğur qazanmasa, ukraynanalılar köhnə sistemə qayıdacaq. Nə qədər qüsurlu olsa da, köhnə və peşəkar siyasətçilərin ölkəni idarə etməsi daha doğrudur”.

Politoloq bildirib ki, oturuşmuş siyasi sistemlərdə tanınmamış və yaxud siyasətdə naşı olan adamların prezident kürsüsünə yiyələnməsi çox çətindir.


XƏBƏR LENTİ
BÜTÜN XƏBƏRLƏR
MARAQLI
DİN
TƏQVİM
«    Haziran 2019    »
PtSaÇaPrCuCtPz
 12
3456789
10111213141516
17181920212223
24252627282930
MƏZƏNNƏ
 Valyuta məzənnəsi