pressxeber.info
pressxeber.info

İçərişəhərdə hindistanlı peşəkar yoqa təlimçisi mühazirə söyləyib

25 dəfə baxılıb 23-05-2019, 13:23

İçərişəhərdə hindistanlı peşəkar yoqa təlimçisi mühazirə söyləyib

 

Şirvanşahlar Sarayı Kompleksində “Mənəviyyat birlik, sülh və rifahın vəhdəti kimi” adlı mühazirə təşkil edilib.

“İçərişəhər” Dövlət Tarix-Memarlıq Qoruğu İdarəsindən AZƏRTAC-a bildirilib ki, tədbir qurum, Hindistanın ölkəmizdəki səfirliyi, Simurq Azərbaycan Mədəniyyət Assosiasiyası və Bakı Brahma Kumaris mədəni-maarif mərkəzinin təşkilatçılığı ilə keçirilib.

Tədbirdə Qoruq İdarəsinin İdarə Heyətinin üzvü Cavid Kazımov çıxış edərək mühazirənin “Nəsimi ili” çərçivəsində keçirilən tədbirlərdən biri olduğunu və dahi şairin yaradıcılığındakı fəlsəfi fikirlərin yoqanın mahiyyəti ilə uyğunluq təşkil etdiyini bildirib.

Sonra Hindistanın məşhur raca-yoqa növünün peşəkar təlimçisi Didi Santoş mühazirə söyləyib. O, raca-yoqa anlayışının indiyədək bilinməyən cəhətlərindən və Uzaq Şərqin mənəvi aləmindən söhbət açıb və iştirakçıların suallarını cavablandırıb.

Beynəlxalq Brahma Kumaris Mənəvi Universitetinin pedaqoqu olan Didi Santoş uzun illər MDB və Baltikyanı ölkələrdə mühazirə və seminarlarla çıxış edib. O, ölkəmizdə bir neçə dəfə olub və burada daha çox insanın yoqa ilə maraqlandığını söyləyib.


XƏBƏR LENTİ
BÜTÜN XƏBƏRLƏR
MARAQLI
DİN
TƏQVİM
«    Haziran 2019    »
PtSaÇaPrCuCtPz
 12
3456789
10111213141516
17181920212223
24252627282930
MƏZƏNNƏ
 Valyuta məzənnəsi