{category-title}

 

 

Toy mərasimlərinə nəzarət necə həyata keçiriləcək? - RƏSMİ

 


Nazirlər Kabinetinin qərarına əsasən artıq 1 iyul tarixindən başlayaraq şənlik mərasimlərinin (toy, nişan, ad günləri və s.) keçirilməsinə icazə veriləcək. İctimai iaşə obyektlərinin monitorinqləri ilə yanaşı, 50 nəfərdən 150 nəfərə qədər şəxslərin iştirakı ilə təşkil olunan şənlik mərasimlərində koronavirus infeksiyasının idarə olunması ilə bağlı nəzarəti təmin etmək məqsədilə yoxlamalar həyata keçiriləcək. Yoxlamalara nəzarət isə Daxili İşlər Nazirliyi, Qida Təhlükəsizliyi Agentliyi və İqtisadiyyat Nazirliyi yanında Dövlət Vergi Xidməti tərəfindən təşkil ediləcək.

Azərbaycanın Qida Təhlükəsizliyi Agentliyinin şöbə müdiri Əkbər Əliyev Oxu.Az-a açıqlamasında bildirib ki, bu günə qədər agentlik tərəfindən ictimai iaşə obyektlərində gündəlik monitorinqlər aparılırdı və bu müəssisələrdə karantin rejimində əks-epidemik tədbirlərə riayət edilib-edilmədiyinin icra vəziyyəti yoxlanılırdı, öz növbəsində toy mərasimlərinin keçiriləcəyi obyektlərdə də monitorinqlər eyni qaydada olacaq.

“Qərardan da göründüyü kimi toy mərasimi keçirilən obyektlər bununla bağlı 5 gün öncədən müraciət edəcəklər. Müraciətlər əsasında müəssisələrin əks-epidemik tədbirlərə hansı şəkildə riayət etdiyi ilə bağlı monitorinqlər aparılacaq. 50 nəfərdən 150 nəfərə qədər olan tədbirlərdə çalışacaq olan personalın ən azı 80 faizi COVID-19 pasportuna malik olmalıdır. Şənlik mərasimində xidmət göstərən heyətin tibbi maskalardan, əlcəklərdən və digər qoruyucu vasitələrdən istifadəsi məcburi hesab edilir. Mərasim keçiriləcək obyektlərə agentlik əməkdaşları ezam olunarkən sadalanan əks-epidemik tələblər barədə monitorinqlər aparılacaq və lazım olduqda onlar məlumatlandırılacaq”.

Əsas tələblərdən birinin də sıxlıq normalarına riayət edilməsinin olduğunu deyən AQTA rəsmisi əlavə edib ki, 50 nəfərə qədər olan tədbirlər bundan əvvəl tətbiq olunan qaydalara əsasən həyata keçiriləcək:

“Burada sıxlıq normaları və digər əks-epidemik tədbirlər gözlənilməlidir. Müəyyən olunmuş qaydalara riayət olunmasında həm ictimai iaşə müəssisəsinin rəhbəri, həm də şənlik sahibi məsuliyyət daşıyırlar. Qoyulan tədbirlərə ciddi şəkildə riayət edilməlidir ki, gələcəkdə də digər açılışlara zəmin yaransın”.

Əkbər Əliyev qeyd edib ki, mərasim keçirilən zaman qonaqların sayına və sıxlıq normalarına əməl olunub-olunmaması kimi məsələlərə nəzarəti Daxili İşlər Nazirliyi həyata keçirəcək.

Onun sözlərinə görə, hallardan asılı olaraq qanun pozuntusuna yol verilən zaman vətəndaşlar inzibati tədbirlərlə üzləşəcəklər:

“Əgər kimsə qanun pozuntusu etməyə niyyətlidirsə nəzərə alsın ki, inzibati tədbirlər qaçınılmaz olacaq. Vətəndaşlar artıq mənə bu barədə suallar verirlər. Biz çağırış edirik ki, qoyulan tələbləri pozmasınlar. Əgər qonaq sayı 150 nəfərdirsə, bu hədd aşılmamalıdır. Artıq indidən adamlar oturub hesablayır ki, 250 nəfər çağırsam, məni hansı inzibati tədbirlər gözləyəcək”.

Mövcud tələblərlə bağlı qanun pozuntuları aşkar olunduğu təqdirdə tətbiq ediləcək cərimələr barədə də məlumat verən qurumun şöbə müdiri vurğulayıb ki, İnzibati Xətalar Məcəlləsinin 211-ci maddəsi ilə vəzifəli şəxslər 4 000 manatdan 5 000 manata qədər, hüquqi şəxslər isə 5 000 manatdan 11 000 manata qədər cərimə olunacaqlar.

Son xəbərlər

Nazirlik bayramda gücləndirilmiş iş rejimində fəaliyyət göstərəcək

Mehriban Əliyevadan İlaxır çərşənbə ilə bağlı PAYLAŞIM

Bu gün sonuncu çərşənbədir

“Bundan sonra bura Zəfər meydanıdır”

Başsağlığı

Prezident xalqı təbrik etdi

“Bu il bu proses davam edəcək”

Novruzda da bu küçələr avtomobillər üçün bağlı olacaq

Hər bir çağırış sülhün, təhlükəsizliyin təmin edilməsinə yönəlib

“Trabzonspor” – “Fənərbaxça” oyununa görə 12 nəfər saxlanıldı

“Azərbaycan-Rusiya münasibətləri sabit inkişafı ilə seçilir”

NATO Baş katibinin Azərbaycana səfəri başa çatdı

Prezident Xankəndidə Novruz tonqalını alovlandırıb, xalqı təbrik edib

Texniki müayinə mərkəzləri bayram günlərində işləyəcək - DYP

Bəzi sayt rəhbərləri Aydın Polat haqqında şantaj xarakterli yazı yazanda yaxşı-yaxşı fikirləşin

Yaz fəslinin Azərbaycana daxilolma vaxtı AÇIQLANDI

Putindən seçki açıqlaması: Bu, məni təəccübləndirdi

Anar Rzayev hər kəsin rəğbət bəslədiyi vətən oğludur

Əli Əsədov qərar imzaladı

NATO qoşunları Ukraynaya girsə, III Dünya müharibəsi başlayacaq - Nazir

Qurban Qurbanov Almaniya klubundan TƏKLİF ALDI

Milli Məclisin deputatı Vyanaya gedir

Bəzi sayt rəhbərləri Haci Məhərrəm Novruzov haqqında şantaj xarakterli yazı yazanda yaxşı-yaxşı fikirləşin

Quterreş üç ölkənin liderinə məktub yazdı

Bütün xəbərlər